என்னைப் பற்றி

நேசங்களின் வீதிகளில் ஒரு புன்னகைப் பவனி வரும் மனித வாழ்க்கை ஆரோக்கியமானது. எப்போது வேண்டுமானாலும் மறைந்து போகும் ஒரு அதிகாலைப் பனியின் தூய்மை வாழ்வில் இருக்கிறது.

வாழ்வின் நிலையாமை குறித்த பயங்களைத் துரத்தி விட்டு விதிக்கப்பட்ட வாழ்க்கையில் தூய நேசத்துடன் வலம் வருதலே சிறப்பு.

பனித்துளி உலரும் என்பதும், வானவில் கலையும் என்பதும், வாழ்க்கை முடியும் என்பதும் மாற்ற இயலாதவை. இந்த வாழ்வின் நீளத்தை புன்னகையால் அளந்து கொள்வதே வாழ்வின் தத்துவம்.

இதயம் நீட்டுங்கள்,
வாழ்க்கை சோகத்தின் மூட்டைகளைச் சுமக்கும் கழுதையல்ல.
வாழ்க்கை ஆனந்தத்தின் பல்லக்குகளில் பவனி வரட்டும்.

அடுத்த பிறவிச் சிந்தனைகள் அர்த்தமற்றவை
இந்த பிறவியில் வாழாதவற்கு அடுத்தொரு பிறவி எதற்கு ?